Cov kab ke foom hmoov zoo rau FABC lub tsev ua hauj lwm tshiab, ntawm lub tshaj xo Radio Veritas Asia.

Tswv Qhia Junie Maralit uas yog tus thawj tswj ntawm FABC-OSC ua tus coj foom hmoov zoo rau lub tuam tsev hwm Leej Ntshiab Yos Xes, uas yog qhov chaw teeb lub tsev tshiab no. Hauv kev sau siab cov tub tshaj Ntuj Lus Kav Tos Liv digital nyob As Xias zaum tim 1, uas yog npaj nyob hauv hnub tim 10 txog 13 lub 9 hlis no. Tom qab foom hmoov zoo tas, Tswv Qhia Maralit vam tias ; lub tuam tsev tshiab no yuav pab txhawb nqa FABC-OSC cov hauj lwm kom ruaj khov tuaj. Ua ke ntawd lub Koom Txoos kuj yuav tsum hloov tus kheej kom haum nrog kev sib xa xov uas pauv mus tau sai heev. Cov tuaj koom lub thaj txi Ntuj zaum no muaj xws li ; Tswv Qhia Ryan Jimenez nyob Agana, uas yog tim xyoob ntawm Vas Tis Kas kev sib xa xov. Tus kws txuj Govekar uas yog tus thawj coj cov txuj kev ntseeg thiab kev tshaj lub Moo Zoo ntawm cov hauj lwm no. Nrog rau cov sawv cev hauv FABC-OSC thiab Radio Veritas Asia. Txiv Plig John Mi Shen uas nws yog tus lwm thawj tswj ntawm FABC-OSC thiab tus thawj tswj cov sob lus ntawm Radio Veritas Asia hais tias : “Lub tuam tsev tshiab no yog kauj ruam tseem ceeb hauv kev sib koom tes ntawm Kav Tos Liv cov hauj lwm sib xa xov nyob As Xias.” Nws hais tias : “Lub tuam tsev no pub chaw rau peb tau ua hauj lwj ua ke thiab nyob zib ze dua qub. Sib pab ua txhua yam hauj lwm thiab ua cov hauj lwm fab kev xa xov ntawm lub Koom Txoos nyob As Xias kom zoo tuaj.” Txiv Plig Felmar Fiel tus tuav txhua yam hauj lwm ntawm Radio Veritas Asia hais lus qhib lub tuam tsev tshiab no. Nws pom tias yog ib feem ntawm kev muab siab rau hauv kev txhawb nqa cov tsev teev Ntuj nyob thoob As Xias teb ua ke kom ruaj khov tuaj. Michael Unland tus thawj tswj kev ua hauj lwm ntwam CAMECO tuaj ntawm Zes Mas Nias teb tuaj, tau hais lus zoo siab nrog FABC-OSC. Nws vam tias lub tuam tsev tshiab no yuav yog qhov chaw qhib dav thiab yog lub tsev rau cov tswv yim, rau kev txhim kho thiab kev sib koom tes kom txi txiv zoo.

Cov kab ke foom hmoov zoo no, yog npaj los ntawm kev sau siab cov tub tshaj Ntuj Lus Kav Tos Liv digital nyob As Xias zaum tim 1. Uas sau tas cov tub tshaj Ntuj Lus digital, cov tub xov xwm, cov tsim cov ntsiab lus thiab cov muaj tswv yim fab kev ntseeg li ntawm 100 tawm leej nyob thoob As Xias teb tuaj nyob ua ke. Kev sau siab yog pib txij hnub tim 10 txog 13 lub 9 hlis no. Yog kev sib koom tes ntawm FABC-OSC thiab Radio Veritas Asia koom nrog Vas Tis Kas cov tub xov xwm los ntawm Fully Present Network. Lub ntsiab lus hauv kev sau siab yog : “Ntawm cov muaj hwj chim mus txog kev ua pov thawj ntawm tus tshaj lub Moo Zoo. Kev muaj feem cuam txog Synodal Way rau cov hauj lwm Digital nyob As Xias.” Kev sau siab zaum no txhib kom cov tub xov xwm Kav Tos Liv hla dhau lub hwj chim hauv Online mus rau kev ua tawm tub tshaj Ntuj Lus hauv kev ua pov thawj, kev muaj feem cuam, kev sib txhawb nqa thiab kev ua hauj lwm ua ke. Hais txog ntawm FABC-OSC mas lub tuam tsev tshiab no yog qhov ruaj khov rau kev sib pab ua cov hauj lwm xa xov thiab txhawb nqa lub Koom Txoos As Xias cov hauj lwm hauv kev xa xov qub, cov platform digital thiab tus qauv tshiab hauv kev tshaj lub Moo Zoo nyob digital.