Cov tub ntxhais hluas Kav Tos Liv koom kev tawm rooj fiv ntuj, pub rau kev txhim kho thiab kev thaj yeeb nyob Thaib qaum teb.

Kev sib sau zaum no yog ib feem hauv lub caij ntiaj teb kev txhim kho, uas npaj nyob hauv hnub tim 1 lub 9 hlis txog tim 4 lub 10 hli. Thiab tau txais kev txhawb siab los ntawm Vaj Qhia Fas Ntshis Kus tsab ntawv Laudato Si. Yog npaj nrog cov tub ntxhais hluas hauv lub Cheeb Koom Txoos Chiangmai, kom tau txhim kho cov tub ntxhais hluas Kav Tos Liv txoj kev ntseeg, nrog kev saib xyuas txhua yam nyob ib puag ncig thiab zej zog. Cov tuaj sib koom tau ua cov hauj lwm hais txog Leej Ntshiab Fas Ntshis Kus nyob As Xis Xis, kev saib xyuas xyoob ntoo, kev sib tham thiab kev thaj yeeb. Lawv tau tuav xam txog kev hloov siab ntawm tej tus neeg, kev lees saib xyuas txog txhua yam nyob ib puag ncig, kev daws kho kev tsis sib haum xeeb, thiab kev tsim kev sib raug zoo hauv ntau yam kab lis kev cai nyob Thaib qaum teb. Kev sib sau zaum no tau hais txog “Cov kob swm tshuaj (Coffee Bruno’s)” Yog cov hauj lwm kob swm tshuaj nyob tau ntev uas yog cov tub tshaj Ntuj Lus nyob Thaib qaum teb teeb tsa thiab cog. Cov hauj lwm no tau txhawb nqa cov neeg toj siab thiab xyaw kev txuag txhua yam nyob ib puag ncig kom haum nrog kev lag luam. Ua kom pom txog kev txhim kho yam muaj txoj sia uas nyob hauv Laudato Si cov lus txhawb nqa. Kev tsuj xeeb lub caij txhim kho nyob hauv lub xeev Lamphun yuav xaus rau hnub tim 4 lub 10 hli no. Uas yog xaus rau lub thaj txi Ntuj nyob hauv lub tsev teev Ntuj hwm Leej Ntshiab Fas Ntshis Kus nyob As Xis Xis. Muaj tus Tswv Qhia kav lub Cheeb Koom Txoos ua tus coj lub Txoos.