Cov zej zog Hmoob nyob Nyab Laj teb tab tom hloov tos txais kev kub ntxhov ntawm huab cua uas tau ua rau lawv lub neej yav tag los phom sij.

Ntau tiam neeg dhau los lawm uas cov tsev neeg Hmoob vam txog kev ua liaj ua theem ntaiv thiab nrog tsuag los ua txhiam xws noj, ua tshuaj thiab ua lub neej. Txawm li cas kuj xij, qhov huab cua pauv ntxeev mus ntawd ua kom kev cog qoob loo nyuab zuj zus tuaj. Kev luaj teb ntov ntoo kuj ua teeb meem rau tej tshuaj nroj tsuag thiab tej hav zoov ntuj tsim kom tag mus. Kev nyob nrug deb ntawm tej toj roob hauv pes thiab kev raug cais los ntev, tseem yog qhov ua rau tseem hwv kev pab mus tsis txog lawv. Thaum tej xyoob ntoo pib tsawg zuj zus, thiaj yog qhov yuam cov Hmoob qee yim kom tawm hauv lawv tej zej zog mus nyob hauv nroog. Lawv tau ntsib kev txom nyem hauv kev lag luam thiab kev txhawj xeeb hauv kev txuag lawv tej kab lis kev cai. Tab txawm muaj tej kev quab yuam no, tsis kav cov zej zog Hmoob kuj tab tom nrhiav kev txhim kho tshiab. Uas yog kev txhawb nqa los ntawm Nyab Laj cov Koom Haum ntiag tug. Qee leej tab tom qhia txog cov qoob loo uas tiv taus tshav thiab pab kom lawv nyob tau hauv lub caij huab cua pauv ntxeev. Zim txwv no lawv tseem cog qoob loo nyob hauv cov av uas lawv tej poj yawm txwv koob tso tseg cia ntxiv mus. Tej kev muab siab rau no ua kom pom txog kev txom nyem thiab kev ua siab ntev ntawm cov Hmoob. Hauv lub caij huab cua phem zuj zus, lawv kuj tseem txuag lawv lub neej, tej kab lis kev cai thiab lawv tej qub zog.