Kev txhawj xeeb hais txog tus kab mob Aids los yog HIV muaj txhab ntxiv. Thaum huab cua pauv ntxeev, cov poj niam Africa tig mus muag cev.
Hauv lub nroog Kawangware uas muaj neeg nyob sib ti hauv Nairobi’s. Beverly uas nws yog ib tug los pav neeg Kenyan, nws tau ntsib yam phem kawg. Tej vaj tse uas ua los ntawm tej daim hlau hauv nws kem tsev thiab txhua yam uas nws yog tus tswv, raug dej nyab tas nyob hauv ntau xyoo.
Ntuj los nag loj thiab huab cua pauv ntxeev, dej tau nyab qee thaj tsam nyob Africa sab hnub tuaj, ua rau vaj tse thiab neeg lub neej piam sij. Muaj ntau pua txhiab tus neeg yuav tsum khiav tshais chaw. Tam sim no lawv poob nyob hauv kev tshaib nqhis loj kawg. Tus niam tsev uas muaj ob tug me nyuam no, nws tab tom xav txog kev sib pauv uas txaus ntshai. Qhov ntawd yog kev muab rau lwm tus deev kom tau mov noj.
Beverly hais rau Context tias : “Kuv paub tias lwm tus yeej ua ib yam li ntawd.” Beverly uas nws muaj 23 xyoos. Nws paub txog txhua yam kev ntshai, xws li tus kab mob Aids. Tab sis kuv poob tag txhua yam mus lawm, thiab kuv tseem yuav saib xyuas ob tug me nyuam. Nws hais tias : “Tam sim no kuv tab tom thov kom Tswv Ntuj pab kuv.” Hauv kev ntxhov quav niab txog cov teeb meem huab cua nyob Africa, tej xwv txheej uas ntsia tsis pom tab tom sib sau los ua ke. Kev tshaib nqhis tab tom ua kom cov poj niam thiab cov me nyuam ntxhais poob hauv kev sib deev thiab ntxiv kev txhawj xeeb hauv kev sib kis tus kab mob HIV.
Cov kws txawj ntse fab lub cev ntaj ntsug thiab cov tub tseem hwv fab kev txom nyem ceeb toom tias : xeev ntuj Africa yog xeev ntuj raug huab cua pauv ntxeev ntau dua lwm cov. Xyoo no muaj dej nyab nyob Africa sab hnub tuaj, thiab muaj khaub lig cua ntuj sov nyob Africa sab hnub poob thiab Africa qab teb. Lub ntuj kub tuaj, ua kom muaj cov huab cua phem kheev kheev tshwm sim. Cov neeg uas nyob hauv cheeb tsam lub voj voog tab tom tau txais kev kub ntxhov loj kawg. Thiab lawv lub neej kheev kheev yog tej liaj teb piam sij, ces coob leej yuav tsum khiav tshais chaw kom lawv dim.
Nov tsis yog ua kom cov me nyuam ntxhais thiab cov poj niam poob hauv kev sib deev, uas yog kev sib pauv hauv kev sib deev xwb. Nws yog qhov ua kom muaj neeg kis tus kab mob HIV coob tuaj thiab.
Chungu uas nws yog tus thawj coj ntawm Catholic Relief Services nyob Zambia hais tias : “Tsim nyog yuav txhawb nqa fab txhiam xws noj, toob xib puaj yam thiab fab kev noj qab haus huv rau cov neeg pluag txom nyem hauv lub caij raug kev puas tsuaj. Vim kev nqis peev thiab kev muab siab rau uas tsim nyog hauv kev daws teeb meem huab cua pauv ntxeev, nrog tus kab mob HIV yog qhov neeg feem coob xav tau. Nov yog Chungu cov lus hais rau Context. Tab sis muaj ntau yam pov thawj uas ua kom peb xav tau tias, tej zaum kev pauv ntxeev huab cua yuav rais ua qhov tseem ceeb hauv peb txoj kev ua tiav hais txog tiv thaiv tus kab mob HIV los yog Aids. Peb yuav nqis tes ua tam sid thiab tiv thaiv tej ntawd kom tiav ua ntej yuav lig dhau. Kwv tij Hmoob sawv daws ! Hnub no peb tham txog huab cua pauv ntxeev nyob Africa, ua kom cov poj niam tig mus muag cev coob tuaj. Kev muag cev thiab kev sib deev, ua kom tus kab mob Aids sib kis sai. Peb yuav nco ntsoov tias hauv xeev ntuj Africa muaj cov neeg mob Aids coob tshaj plaws. Li ntawd, peb yuav ceev faj thiab sib pab tiv thaiv tus kab mob Aids. Kev tiv thaiv yog tsis txhob nrog lwm tus neeg sib deev, tshwj zias yus tus poj niam los yog yus tus txiv xwb.
Thov Huab Tais Yes Xus Pleev lub txiaj ntsim nrog nej nyob, ua nej siab kaj lug.
Lwm zaus peb mam sib ntsib dua, nej sawv daws nyob zoo !
