Lub Koom Txoos Is Ntos Nes Xias qhia txog tus qauv hauv kev sib tham, thaum cov Tswv Qhia As Xias lub rooj sab laj loj tab tom los yuav txog.
‘Kev thov kom tig los yuav lub siab tshiab ntawm lub pwm tsav thiab cov hauj lwm hauv kev ua tus choj thiab ua tus tuam choj nyob As Xias.’
Cov Tswv Qhia nyob thoob xeev ntuj yuav tuaj sib sau ua ke, kom tau tsim kev muab siab rau hauv kev tshaj lub Moo Zoo ntawm lub Koom Txoos, los ntawm kev teev Ntuj, kev rov xav txog thiab kev txhawb nqa lub pwm tsav.
Lub Koom Txoos nyob nruab nrab hauv ntau txoj kev teev hawm.
Cov Kav Tos Liv xam ua 3 feem pua ntawm tsoom pej xeem Is Ntos Nes Xias, uas nyob xyaw cov haiv neeg, xeem lus thiab ntau pua txoj kab lis kev cai sib txawv. Ntawm cov haiv neeg tsawg, mas lub Koom Txoos tau ua pov thawj txog lub Moo Zoo los ntev lawm hauv kev sib tham, kev sib hwm thiab kev sib koom tes nrog lwm cov kev teev hawm thiab tej kab lis kev cai sib txawv. Tej kev paub no ua kom pom txog yav tom ntej ntawm FABC hauv kev tsim lub Koom Txoos As Xias, los ntawm kev sib tham thiab tej kab lis kev cai, kev ntseeg, cov neeg pluag txom nyem thiab cov raug cais. Dhau tej yam no lawm, tseem ua kom pom txog fab ntsuj plig hauv FABC lub rooj sab laj loj zaum tim 50 nyob Bangkok xyoo 2022. Uas thov kom lub Koom Txoos “ua ke mus kev hauv kev yog ib tug pej xeem nyob As Xias ntxiv mus.”
Kev ua neeg ntseeg uas tuam coj txuas nrog kev sib raug zoo.
Hais txog FABC, mas kev tuam choj txuas nrog kev sib raug zoo, yog hais txog kev tsim kom muaj feem cuam, muaj kev sib mloog thiab kev saib xyuas ua ke nyob hauv lub Koom Txoos. Nrog txhawb nqa kev sib tham, kev sib haum xeeb thiab kev thaj yeeb nyob hauv zej zog. Is Ntos Nes Xias teb yog tus piv txwv zoo uas muaj kab lis kev cai los ntev hauv kev sib koom tes nrog cov Mawv Xis Lim, cov Plos Tes Taas, cov Hindus, cov Phus Thas, cov Khoov Fum Txws thiab cov neeg toj siab. Cov tsev kawm ntawv,
cov tsev kho mob, lub Koom Haum tib neeg kev ncaj ncees, thiab Kav Tos Liv lub Koom Haum pab neeg uas tsis xav txog kev ntseeg.
Lub Koom Txoos tseem lees txais kev sib xyaws ntawm tej kab lis kev cai hauv kev kho xeem lus, suab paj nruag thiab kab lis kev cai kom haum nrog kev ntseeg. Thaum kev txawj ntse hauv kev ncaj ncees ntawm lub teb chaws tseem txhawb nqa kev ua kwv ua tij, kev sib koom tes thiab kev sib hwm nyob hauv lub meej mom kev ua neeg.
Lub caij nyoog thiab cov teeb meem.
Cov tub ntxhais hluas Is Ntos Nes Xias thiab kev pauv ntxeev sai ntawm Digital, yog lub sij hawm zoo rau kev tshaj lub Moo Zoo thiab kev muaj feem cuam hauv lub pwm tsav. Lub teb chaws no tseem yog pov thawj tseem ceeb hauv kev pauv ntxeev fab kev ntseeg. Vim lub teb chaws tab tom ua hauj lwm rau huab cua kev pauv ntxeev thiab kev piam sij ntawm txhua yam nyob ib puag ncig. Ua ke ntawd lub Koom Txoos kuj ntsib txhua yam kev txhawj xeeb nrog rau kev ntseeg tsuag. Kev tshaj xov xwm cuav, kev sib cais hauv zej zog, teeb meem kev tsim tawm thiab kev sib xa xov hloov mus. Kev muaj feem cuam ntau tuaj ntawm cov neeg ntseeg, cov tub ntxhais hluas thiab cov poj niam, nrog rau kev kav dawb huv thiab kev koom tes ntawm tseem hwv. Hauv cov zej zog thiab lwm cov neeg ntseeg, yog qhov tseem ceeb hauv kev daws teeb meem hauv kev pluag txom nyem, kev tsiv teb tsaws chaw, kev ua luam muag neeg, kev tsis sib luag thiab kev kub ntxhov hauv kev ntseeg.
Mus ua ke.
Kev ua tswv cuab ntawm FABC lub rooj sab laj loj zaum tim 12, ua rau lub Koom Txoos Is Ntos Nes Xias tau faib tej kev paub hauv kev loj hlob los ntawm kev sib tham, kev ua hauj lwm, kev sib koom ua ib lub siab thiab kev ua kwv ua tij nyob hauv cov zej zog uas muaj ntau yam kab lis kev cai sib txawv. Tau txais lub zog txhawb siab tseem ceeb los ntawm Yes Xus lo lus hais tias : “Nej yuav tau pom tej yam loj dua no.” (Zam 1 : 50)
Lub Koom Txoos nyob As Xias raug caw kom ua cov hauj lwm ntxiv mus hauv kev pauv ntxeev raws lub Koom Txoos kev ntseeg, uas yog tuam choj rau kev sib haum xeeb, kev thaj yeeb thiab kev saib xyuas txhua yam nyob ib puag ncig. Nrog kev ua pov thawj txaus ntseeg txog kev cia siab thiab kev ua ib lub siab nyob hauv lub ntiaj teb uas txhua yam tab tom hloov mus sai.
