Mas Les Xias teb: Hnub nco txog cov neeg tuag, coj cov tsev neeg los ua ke kom tau nco txog cov tuag mus lawm nyob Sarawak.
Hauv lub tsev teev Ntuj hwm Leej Ntshiab Ann’s nyob Kota Padawan ze lub nroog Kuching, cov Kav Tos Liv tau koom lub thaj txi Ntuj tshwj xeeb ua ntej yuav mus saib cov ntxa, txhos paj ntoos thiab teev Ntuj. Txiv Plig Don Don Ramerez thiab Txiv Plig Addie Frank tau foom hmoov zoo rau cov ntxa nyob hauv cov Kav Tos Liv lub toj ntxas Paradisum. Anak Gansi hais tias : “Kev nco txog cov neeg tuag no, qhia cov Kav Tos Liv kom paub txog lawv lub luag hauj lwm hauv kev teev Ntuj rau cov neeg tuag thiab muab cov neeg tuag tso nyob hauv Tswv Ntuj txoj kev khuv leej. Nws hais rau Radio Veritas Asia tias : “Hauv kev teev Ntuj, lub Cim Yug thiab kev nco txog, mas cov Kav Tos Liv cia siab tias yuav muaj kev sawv rov los thiab tau txoj sia nyob mus li.” Thoob lub xeev Sabah thiab Sarawak, mas cov yim neeg puav leej yuav paj ntoos thiab mus sib sau nyob ntawm toj ntxas. Kom tau ua cov kab ke uas coj los ntev thiab coj tej txheeb ze los ua ke. Cov kab ke no tsis yog nyob ntawm cov Kav Tos Liv xwb, tab sis nws yog hais tas nrho lwm cov neeg ntseeg thiab. Xws li cov Anglicans thiab cov Seventh-day Adventists. Hauv lub toj ntxas Anglicans hwm Leej Ntshiab Yas Kos nyob Kampong Quop, mas ob viv ncaus Jenny thiab Jim Brown tau mus saib nkawd txiv lub ntxa, txhos paj ntoos thiab hlawv tswm ciab. Jenny hais tias nws txiv cia li tuag sai sai nyob hauv nws tus niam hluas lub ntees tshoob. Ua rau kev lom zem rais ua kev mob siab uas nco ntsoov. Hnub hwm cov neeg tuag ua rau peb nco txog nws. Peb thov Ntuj rau nws tus ntsuj plig thiab xav txog kev nyiam kev hlub thiab tej kev nco uas nws nyob rawv hauv peb nruab siab.”
Dhau ntawm qhov tseem ceeb hauv kev ntseeg lawm, kev nco txog cov neeg tuag no tseem pab tsim kev sib raug zoo hauv yim neeg, txuag tej kev nco thiab yog lub zoo caij zoo rau zej zog tau txuas nrog nyias caj ces.
