Tswv Qhia Ferrao hais tias : FABC lub rooj sab laj yuav coj lub Koom Txoos mus nyob ze Leej Pleev thiab muaj txiaj ntsim hauv kev nqis tes ua tiag tiag.

Cov lus nthuav ntawv Moo Zoo nyob hauv lub tuam tsev teev Ntuj Leej
Niam Assumption, FABC tus thawj tswj thov kom cov Tswv Qhia, cov Txiv Plig, cov
Leej Tij thiab cov neeg ntseeg, hloov lub lis piam hauv kev thov Ntuj, kev rov xav txog
thiab kev sib tham ntawm lub rooj sab laj los ua kev muab tus kheej los ua hauj lwm
rau kev txhawb nqa nyob thoob As Xias. Ua kom pom txog lo lus paj lug hauv ntawv
Moo Zoo, hais txog lub hlaws npliag deg thiab lub vas puav ntses.
Tswv Qhia Ferrao hais tias : “Leej Pleev tsis yog kev sab laj Synodal, tus qauv los yog
cov hauj lwm tshaj lub Moo Zoo, tab sis yog lub hlaws npliag deg muaj nqis ntawm lub
Koom Txoos. Txhua yam no muaj nqis yog thaum coj neeg mus cuag Yes Xus thiab
qhia Yes Xus rau lwm tus xwb.” Yog ua raws li tus vaj Xas Los Moos. Tswv Qhia thov
kom lub Koom Txoos thov Ntuj rau lub siab uas npaj txhij yuav mloog. Nws hais tias :
“Lub Koom Txoos raws Synodal, tsis yog mloog Tswv Ntuj lo Lus xwb, tab sis yog
mloog cov neeg pluag txom nyem, cov tub ntxhais hluas, cov tsiv teb tsaws chaw thiab
cov neeg nyob ntawm tej ntug kev lub suab.” Lub Koom Txoos tsim nyog ua qhov chaw
paub hauv kev mloog, kev rov xav txog thiab txhawb nqa kev sib koom siab. Vim hauv
pog yawg thiab cov laus hnub nyob ntiaj teb, nws tau hais txog cov neeg laus tias ; yog
‘Lub cuab tam muaj nqis uas ciaj sia’ ntawm lub Koom Txoos, thiab hais txog qhov
tseem ceeb hauv kev txhawb nqa kev sib raug zoo ntawm txhua txheej neeg.
Thaum xaus lub rooj sab laj, Tswv Qhia Ferrao thov kom cov sawv cev ‘muab kev sib
tham hloov mus ua kev tig los yuav lub siab tshiab. Muab tej ntaub ntawv hloov mus ua
kev txiav txim siab, thiab muab yav tom ntej hloov mus rau kev nqis tes ua. Nws tseem
hais txog qhov uas cov sawv cev mus saib lub tsev teev Ntuj Istiqlal, uas yog chaws

lub qhov av ntawm kev phooj ywg nyob Jakarta tias ; yog lub Cim ntawm lub Koom
txoos cov hauj lwm hauv kev tuam choj los ntawm kev sib tham thiab sib ntsib.
Nws txhawb cov tuaj koom sab laj kom rov mus hauv nyias lub tsev teev Ntuj hauv tej
zej zog, thiab muab siab rau ua kom kev sib koom siab rais ua qhov tseeb hauv kev sib
mloog, kev ua tub txib thiab kev ua pov thawj ncaj ncees, uas muaj Yes Xus yog qhov
chaw nruab nrab ntawm cov hauj lwm tshaj lub Moo Zoo.