Tus Txiv Plig Yes Xus Is uas yog neeg Is Ntias, thov kom cov Tswv Qhia As Xias muab cov hauj lwm tsim nyog rau cov poj niam, ua ntej FABC lub rooj sab laj loj yuav pib.
Tus Txiv Plig uas txhawb nqa tib neeg kev ncaj ncees thiab kev thaj yeeb hais rau Radio Veritas Asia tias : “Lub Koom Txoos yuav tsum soj ntsuam kev ncaj ncees tiag tiag, yog tias xav ua Synod tiag tiag thiab tub tshaj Ntuj Lus ncaj ncees. Nws ua kom pom tias kev muab hauj lwm kom tsim nyog rau cov poj niam thiab kev yeej kev sib luag yog thawj yam tseem ceeb ntawm lub Koom Txoos As Xias.”
Txiv Plig Prakash hais tias : “Kev pauv ntxeev raws Synod tseeb tiag ntawd mus deb dua kev daws kho, thiab thov kom muaj kev ua tib zoo mloog, kev rov xav txog thiab kev qhib dav hauv kev pauv ntxeev.” Dhau no lawm, nws tseem thov kom lub Koom Txoos ua cov neeg mloog uas tsim kom cov neeg ntseeg muaj kev sib luag, muaj feem cuam hauv kev sib tham, kev saib xyuas txhua yam nyob ib puag ncig thiab sawv ntseg ntsees tiv kev tsis ncaj ncees, kev phem, kev xaiv ua thiab cov Txiv Plig lub hwj chim.
Nws hais txog kev sib koom ua ke nrog rau Vaj Qhia Fas Ntshis Kus thiab Vaj Qhia Leo 14 cov lus, nws hais tias : “Kev sib koom ua ke yuav vam txog kev dawb huv, kev saib xyuas thiab kev ua ke xav ntawm zej zog.” Nws xaus cov lus tiv FABC lub rooj sab laj tias : “Thov kom ua raws Leej Ntuj Plig Ntshiab lub peev xwm thiab hloov lub rooj sab laj txoj kev xav los ua kev ua ncaj ncees.” Kev sab laj ib lis piam, yog txij hnub tim 20 txog 26 lub 7 hli 2026. Yog qhov yuav sau tas cov Tswv Qhia nyob As Xias kom tau ua ke xav txog qhov tsim kev sib koom siab, kev muaj feem cuam thiab lub Koom Txoos cov hauj lwm.
