Zaj nyeem hnub tim 14 lub 3 hlis 2026
Hnub Xya, Lis Piam 3 caij Plaub Caug
Cov lus nyob hauv Lus Kas Ntawv Moo Zoo (LK 18: 9-14)
Kwv tij sawv daws, nyob rau hauv zaj no qhia tias, peb yuav tsum txawj xam pom qhov zoo nyob hauv luag lwm tus, peb tsis txhob hais lus saib tsis tau luag. Tus neeg uas nws xav tias nws zoo dua luag thiab nws hais lus thuam luag, saib tsis taus luag, mas Tswv Ntuj saib nws qis tshaj. Nyob rau hauv zaj no Huab Tais Yes Xus qhia meej tias, tus uas nws tsa nws siab, mas Ntuj yuav txo nws qis, hos tus uas nws txo nws qis Ntuj yuav tsa nws siab. Huab Tais Ntuj lub suab ntuas uas tawm ntawm tus Yaj Saub Os Xias lub ncauj los, nws tshaj hais tias, kev ua neeg me tsis muab hlob uas Tswv Ntuj xav kom peb ua, yog txoj kev hlub ruaj nreb, vim Huab Tais tsis xav tau tej khoom txi Ntuj, tiam sis, Huab Tais xav tau tus neeg uas paub Tswv Ntuj thiab nyiam Tswv Ntuj tshaj ib puas tsav yam, nyob rau hauv nws siab, nws saib Tswv Ntuj ua ntej lwm yam. Nyob zoo.
