Zaj nyeem hnub tim 25 lub 5 hlis 2026
Hnub nco txog Mab Liab yog Koom Txoos Leej Niam
Cov lus nyob hauv Zam Ntawv Moo Zoo (Z 19: 25-34)
Kwv tij sawv daws, Huab Tais Yes Xus tau qhia peb nyob rau hauv nws lub neej, uas nws tau ua ib tug qauv zoo rau peb ntsia. Kawg qhov nws tau tuag ntsia saum Ntoo Cuam, tab sis tseeb tiag, lub neej txoj sia thiab tus ntoo cuam, tsis muaj peev xwm yuav cheem tau Huab Tais Yes Xus. tiam sis, tus ntoov cuam uas yog zoo li rab ntaj tua neeg, yog ib yam uas txaus ntshai, Huab Tais tau muab hloov los ua tus ntoo cuam ntoo khaub lig cawm neeg. Txoj kev tuag, uas neeg sawv daws ntsia tias yog qhov xaus neeg lub neej thiab txoj sia. Huab Tais muab hloov ua qhov pib nyob rau hauv txoj sia tseeb. Daim duab uas peb pom Yes Xus ntsia saum tus ntoo cuam thiab muaj niam Mab Liab sawv ntawm ib sab ncej ntawd, uas rau peb pom txog kev txhiv lub qab ntuj neeg. Thiab txuas ntxiv mus, Niam Mab Liab yuav yog ib tug uas yuav pab coj peb lub neej, kom peb hla dhau ntiaj teb neeg tej kev iab kev daws kev txom nyem, mus kom txog tim ntug. Huab Tais Yes Xus thiaj muab Niam Mab Liab txis ua peb niam, kom xwv tau pab, nyob rau hauv peb sab ntsuj plig.
Nyob zoo sawv daws.
