ZAJ NYEEM HNUB TIM 30 LUB 10 HLI 2025
HNUB TSIB, LIS PIAM 30 CAIJ NYOB NRUAB XYOO
COV LUS NYOB HAUV LUS KAS NTAWV MOO ZOO (LK 13: 31-35)
Kwv tij sawv daws, Huab Tais Yes Xus qhia kom peb pom tias, lub siab ntseeg ua rau yus muaj cuab kav, muaj peev xwm tshaj txog lub Moo Zoo. Nyob rau hauv no pom tias, Huab Tais tsis tau ntshai txoj kev tuag, tab yog nws hnov tias, Hes Los tab tom nrhiav kev tua nws. Huab Tais qhia nws tsoom thwj tim tias ; “Nej txhob ntshai tus tua tau nej lub cev tiam sis tua tsis tau nej tus ntsuj plig,” nyem no Huab Tais kuj ua rau lawv pom tias, Huab Tais tsis tau ntshai leej twg lub hwj chim, tab yog tus nom loj zoo li Hes Los, qhov tseem ceeb tshaj yog Huab Tais yuav tsum tshaj lub Moo Zoo rau zeej tsoom neeg sawv daws, vim nws yog Huab Tais Ntuj txoj kev nyiam kev hlub neeg, nyem no tus Huab Tais cawm neeg twb tuaj nyob nruab nrab peb lawm, Huab Tais loj dua txhua tus Yaj Saub, peb thov Huab Tais pub lub siab ntseeg ruaj khov thiab muaj zog rau peb, kom peb muaj cuab kav tshaj txog Huab Tais lub Moo Zoo rau ib zeej tsoom neeg nyob ze peb txhua txhia hnub.
Nyob zoo sawv daws.
