Cov tub ntxhais hluas hnub nyob ntiaj teb 2027, tau txais kev txhawb nqa los ntawm ob pab nom. Thaum uas lub Koom Txoos txhawb kom muaj kev muaj feem cuam nyob thoob lub teb chaws ntau dua qub.

Tswv Qhia Chung hais cov lus thov no nyob hauv hnub tim 10 lub 9 hlis, thaum nrog cov tim xyoob ntawm lub pwm tsav Kav Tos Liv ua thaj txi Ntuj nyob hauv lub tuam tsev. Muaj cov tim xyoob ntawm lub pwm tsav 59 leeg tuaj koom li ntawm 20 leej. Dhau ntawm kev sib txawv hauv cov pab nom thiab kev pom sib txawv los yog kev tsis sib haum xeeb fab txoj cai, peb puav leej yog ib tug nyob hauv lub Cim Yug. Tswv Qhia hais cov lus no nyob hauv nws cov lus nthuav ntawv Moo Zoo. Nws tau txhawb dej siab rau cov nom tswv uas zoo siab tos txais kev sib tuav xam, tab txawm kev kev tseev tsim sib txawv kuj xij. Nws hais tias yuav vam txog lub peev xwm hauv  kev sib xa xov ntawm cov muaj kev xav sib txawv. Cov tub ntxhais hluas hnub yuav npaj nyob hauv hnub tim 3 txog 8 lub 8 hli xyoo 2027. Yuav muaj cov tub ntxhais hluas ntau pua txhiab leej nyob thoob ntiaj teb tuaj koom lub koob tsheej no.

Tswv Qhia Chung hais tias : “Kev tos txais cov tuaj koom lub koob tsheej uas tuaj ntawm ntau yam kab lis kev cai thiab ntau xeem lus tuaj, yuav pab tsim kev cia siab rau tsoom pej xeem Kos Lim. Thiab xav tias yog qhov pov thawj ntawm kev thaj yeeb hauv kev nyob ua ke.” Thaum noj pluas tshais tom qab ua thaj txi Ntuj tas, Tswv Qhia thov kom nkag los hauv kev muaj feem cuam, uas tsis txhob sib cais hauv kev tseev tsim los yog kev ntseeg. Nws hais tias : “Yog tias sawv daws muaj feem cuam hauv cov tub ntxhais hluas hnub xyoo 2027, tsis hais yuav tuaj tseem hwv tog los yog tuaj pab tiv tseem hwv tog, los teev hawm dab tsi kuj xij. Lub koob tsheej no yuav qhia txog tus qauv zoo hauv peb lub teb chaws rau ntiaj teb tau paub.” Tswv Qhia Chung muab kev sib sau no piv zoo li kev sib tw Olympic xyoo 1988, uas yog kev pauv ntxeev tseem ceeb hauv kev txhim kho Kos Lim Naj teb. Nws hais tias cov tub ntxhais hluas hnub tsim nyog yuav pab kom lub teb chaws nce mus ua tus coj fab kab lis kev cai nyob ntiaj teb tau ib yam. Cov nom tswv hauv pab nom People Power Party thiab pab nom tiv tseem hwv Democratic Party of Korea puav leej cog lus tias ; lawv yuav txhawb nqa lub koob tsheej no.

Tus nom sawv pej xeem cev ntawm pab nom People Power Party, nws yog tus thawj coj lub pwm tsav uas yog neeg Kav Tos Liv hais tias : “Kev tau ua tswv cuab hauv cov tub ntxhais hluas hnub, yog koob hmoov loj kawg rau lub teb chaws Kos Lim. Thiab nws cog lus tias cov nom hauv lub pwm tsav yuav sib koom tes kom cov hauj lwm no tiav.” Tus nom sawv pej xeem cev Na Kyung-won tus thawj coj koom kev ua hauj lwm ntawm lub pwm tsav hais tias : “Lub koob tsheej no yuav pab kom tsoom pej xeem tau pom txog Kav Tos Liv cov kab ke, thiab nws nqua hu kom muaj kev sib koom tes ntawm tseem hwv pab nom thiab pab nom tiv cov tseem hwv. Tus pog Han Jeoung-ae uas nws yog ib tug nom sawv pej xeem cev hauv pab nom Democratic Party, nws kuj yog ib tug thawj coj fab kev ua hauj lwm. Nws tau cog lus tias yuav muab kev txhawb nqa los ntawm cov tseem hwv. Nws hais tias tseem hwv pab nom thiab pab nom tiv tseem hwv yuav sib koom tes hauv kev npaj lub koob tsheej uas yog xyoo kawg.