Xov Xwm Koom Txoos

Tswv Qhia Ferrao uas nws yog tus thawj tswj cov Tswv Qhia As Xias los yog FABC,
hais cov lus qhib FABC lub rooj sab laj, hnub tim 21 lub 7 hli no tias :
“Synodal txoj cai tseem ceeb tshaj tej lus sib tham thiab nws yog qhov yuav ua raws
hauv txhua lub tsev teev Ntuj, txhua lub Cheeb Koom Txoos, txhua pab Txiv Plig thiab
Leej Phauj, thiab txhua yim neeg ntseeg nyob As Xias.”

Is Ntos Nes Xias teb tos txais cov Tswv Qhia thiab cov thawj coj lub Koom Txoos As
Xias hauv ntau yam kab lis kev cai sib txawv, hauv FABC lub rooj sab laj loj zaum tim
12 nyob hauv lub tsev txais qhua Mulia, nyob Jakarta hnub tim 21 lub 7 hli no.
Muaj suab paj nruag, muaj seev cev thiab muaj kev ua yeeb yam ntawm cov neeg hauv
zej zog, kom tau qhia txog kev nqua hu ntawm lub rooj sab laj kev koom siab mus ua
ke hauv lub Koom Txoos.

FABC tus thawj tswj hais tias : “Ntau yam sib txawv uas zoo txhij txhua nyob As Xias,
yog qhov ruaj khov loj tshaj ntawm lub Koom Txoos. Nws hu qhov ntawd tias yog qhov
paj tshab ua sau tas cov tsev teev Ntuj hauv zej zog, nyob hauv xeev ntuj los koom ua
ke hauv kev tshaj lub Moo Zoo.”

Tus thawj tswj cov Tswv Qhia Is Ntos Nes Xias thov kom lub Koom Txoos As Xias rais
ua lub Koom Txoos mloog nyob hauv FABC lub rooj sab laj loj zaum tim 12. Nws hais
tias kev ua lub pwm tsav tseeb tiag los yog Synodal, yog pib nyob hauv kev mloog
Tswv Ntuj lus, kev sib mloog thiab mloog cov neeg pluag txom nyem lub suab. Nws xav
txog FABC cov lus hauv zaj ‘kev sib tham txog 3 yam’, yog cov neeg pluag txom nyem,
kab lis kev cai thiab lwm cov kev teev hawm. Thiab hais tias kev saib xyuas yam ntuj
tsim yog lub ntsiab tseem ceeb ntawm lub Koom Txoos cov hauj lwm.

Yawg Nasaruddin Umar uas nws yog Is Ntos Nes Xias tus pwm tsav fab kev teev
hawm thov kom cov neeg ntseeg nyob thoob As Xias txais yuav xeem lus sib nyiam sib
hlub. Yog qhov daws kho kev tsis sib haum xeeb thiab txhawb nqa kev thaj yeeb. Nws
hais tias kev ntseeg yog lub zog ntawm kev sib koom siab ntau dua kev sib cais sib
tawg. Hauv kev hais lus qhib FABC lub rooj sab laj loj zaum tim 12 nyob Jakarta,
hnub tim 21 lub 7 hli no.

Xov xwm ntawm FABC (Cov Tswv Qhia lub rooj sab laj loj nyob Jakata Tim 20-26 lub 7 hli 2026)

Kev txhawj xeeb hais txog tus kab mob Aids los yog HIV

Tswv Qhia Oswald Gracias tus sawv Vaj Qhia Leo 14 chaw, tau qhib FABC lub rooj
sab laj loj zaum tim 12 hauv hnub tim 21 lub 7 hli no. Nws hais tias :
“Synodal yog ib qho paj tshab loj ntawm lub Koom Txoos muab rau lub ntiaj teb.
Thiab yuav txhib kom lub Koom Txoos As Xias ua tus tsim kev thaj yeeb hauv kev sib
tham, kev sib haum xeeb thiab kev ua kwv ua tij.”

Lub pwm tsav Tswv Qhia As Xias (FABC), rov hais txog tus ntsuj plig ntawm kev sib
koom tes daws teeb meem nyiag noj nyiaj thiab kev tswj hwm ntawm cov Txiv Plig
nyob As Xias. Hauv cov lus sib tham Tswv Qhia David uas nws yog tus lwm thawj tswj

ntawm FABC thiab yog tus thawj kav xwm fab kev sib koom siab hais tias : “Lub Koom
Txoos cov hauj lwm xav kom muaj kev lees txais saib xyuas ua ke ntau dua qub ntawm
cov Txiv Plig, cov Leej Phauj, cov Leej Tij thiab cov neeg ntseeg.”

Tswv Qhia Ferrao hais nyob hauv FABC lub rooj sab laj loj zaum tim 12, hnub tim 20
lub 7 hli no tias : “Tej kev txhawj xeeb uas cov neeg ntseeg nyob As Xias kheev kheev

raug, yog qhov ua kom lub Koom Txoos muab siab rau txhab kev sib tham thiab kev sib
haum xeeb, tsis yog yuav ua kom tsuag dua qub.” Thaum teb cov lus nug hais txog cov
neeg ntseeg uas nyob ua tej pab pawg me me hauv ntau qhov chaw nyob As Xias, mas
tus thawj tswj ntawm FABC hais tias : “Lub Koom Txoos ib txwm ua nws cov hauj lwm
hauv tej kev nyuab siab ua ntu zus los, thiab yog qhov tsim nyog.

Lub Koom Txoos cov hauj lwm nyob As Xias tsis yog kev thaub qab rov mus ua phab ntsa thaiv, tab sis yog kev tuam choj hauv kev sib tham ntawm cov zej zog uas muaj kev sib tawg. Tswv Qhia David hais cov lus nyob hauv hnub qhib lub rooj sab laj loj zaum tim 12 ntawm cov Tswv Qhia As Xias (FABC), hnub tim 20 lub 7 hli no.

Kev sib koom siab tsis yog tus txheej txheem los yog cov hauj lwm ntawm lub Koom Txoos, tab sis yog kev ua lub neej nyob hauv cov zej zog uas txawj sib txhawj xeeb. Tswv Qhia Kikuchi uas yog tus Tswv Qhia nyob Tokyo thiab yog tus lwm thawj tswj ntawm cov Tswv Qhia As Xias los yog FABC, hais rau cov lus no rau cov tuaj koom FABC lub rooj sab laj loj zaum tim 12 hauv hnub tim 20 lub 7 hli no.

Lub rooj sab laj loj zaum tim 12 ntawm cov Tswv Qhia As Xias los yog FABC, lub hom phiaj yog ntau tshaj kev sib tham thiab kev qhua qhia muaj qab muaj quag ntawm lub pwm tsav Synodal uas coj los siv nyob thoob As Xias. Yog raws li Tswv Qhia Maralit ntawm Fis Lis Pees cov lus hais. Cov Tswv Qhia Liab thiab cov Tswv Qhia coob tshaj 120 leej tuaj sib sau nyob Jakarta, txij hnub tim 20 txog 26 lub 7 hli no. Lub ntsiab lus hauv lub rooj sab laj yog “kev nqua hu kom muaj kev pauv ntxeev raws lub pwm tsav thiab cov hauj lwm ua tus choj thiab ua tus tuam choj nyob As Xias”

Cov Tswv Qhia Liab, cov Tswv Qhia, cov Txiv Plig thiab cov sawv cev neeg ntseeg nyob thoob As Xias teb tuaj txog Jakarta hnub tim 20 lub 7 hli no lawm. Kom tau koom cov Tswv Qhia lub rooj sab laj loj zaum tim 12 ntawm FABC. Muaj cov tub ua hauj lwm ntau pua leej tos txais nyob hauv tshav dav hlau, coj lawv kev, sau lawv cov npe thiab muab chaw pw rau lawv tau kev sab laj tas ib lis piam.

Thaum cov Tswv Qhia As Xias los yog FABC tab tom npaj lub rooj sab laj loj zaum tim 12 nyob Jakarta, hnub tim 20-26 lub 7 hli 2026. Tswv Qhia D'Cruze OMI nyob Dhaka, uas nws yog tus thawj coj cov Tswv Qhia Kav Tos Liv nyob Npees Las Des teb. Tau thov kom lub Koom Txoos As Xias muab siab rau hauv kev sib tham nrog lwm cov kev teev hawm. Nws hais tias lwm cov kev teev hawm, tsis tsim nyog yuav ntsia tias yog lwm txoj kev teev hawm, tab sis yog kev teev hawm nyob sib ze.

Lub chaw ua hauj lwm ntawm cov neeg ntseeg thiab tsev neeg ntawm lub pwm tsav Tswv Qhia nyob As Xias (FABC), thov kom muaj kev txhawb nqa kev ntseeg kom ruaj khov thiab ua kom cov neeg ntseeg, cov poj niam thiab cov tub ntxhais hluas muaj feem cuam ntau dua qub.

Thaum cov Tswv Qhia As Xias los yog FABC tab tom npaj lub rooj sab laj loj zaum tim 12 nyob Jakarta, txij hnub tim 20-26 lub 7 hli 2026. Tus Txiv Plig Yes Xus uas yog neeg Is Ntias tau thov kom cov thawj coj lub Koom Txoos txhawb nqa cov poj niam kom muaj feem cuam raws kev pauv ntxeev ntawm Synod uas lub rooj sab laj zaum no xav txhawb nqa.

Thaum cov Tswv Qhia As Xias los yog FABC tab tom npaj lub rooj sab laj loj zaum tim 12 nyob Jakarta, txij hnub tim 20-26 lub 7 hli 2026. Tswv Qhia Kikuchi thov kom lub Koom Txoos txuas kev sib raug zoo nrog zej zog ntau dua qub. Nws hais tias lub Koom Txoos yuav ua hauj lwm tsis tiav, yog tias nyob ntsiag to.

Thaum cov Tswv Qhia As Xias los yog FABC tab tom npaj lub rooj sab laj loj zaum tim 12 nyob Jakarta, hnub tim 20-26 lub 7 hli hauv lub ntsiab lus tias :
“Kev nqua hu kom muaj kev pauv ntxeev hauv lub pwm tsav thiab cov hauj lwm, kom ua tus choj thiab ua tus tuam choj nyob As Xias.”

Thaum cov Tswv Qhia As Xias los yog FABC tab tom npaj lub rooj sab laj loj zaum tim 12 nyob Jakarta, hnub tim 20-26 lub 7 hli hauv lub ntsiab lus tias :
“Kev nqua hu kom muaj kev pauv ntxeev hauv lub pwm tsav thiab cov hauj lwm, kom ua tus choj thiab ua tus tuam choj nyob As Xias.” Ib tug Txiv Plig Dominican uas nws yog neeg Pas Kis Taas hais tias : “Kev tuam choj tseeb tiag, yog pib ntawm cov neeg muaj kev ntseeg sib txawv tau sib ntsib nyob hauv niaj hnub.”