Hmong

Txiv Plig Cyril Victor tus kws txuj fab kev xa xov thiab cov tub xov xwm Kav Tos Liv hais tias : “Ntau xeem lus, ntau yam kab lis kev cai thiab cov xeev ntuj nyob Is Ntias teb ua kom lub Koom Txoos Kav Tos Liv yuav tsum txhim kho lub tswv yim tshiab nyob hauv digital, kom tau txuas nrog lwm cov neeg ntseeg sib sau ua ke. Tshwj xeeb tshaj yog cov lus uas hais nyob hauv zej zog.

Tswv Qhia Andrew Alarcon hais tias : “Tam sim no lub ntuj digital yog thaj av tshiab ntawm lub Koom Txoos cov hauj lwm. Nws thov kom cov neeg ntseeg coj lub Moo Zoo mus rau yam uas pauv ntxeev mus sai hauv kev xyuam xim. Kev xyuam xim xav thiab zej zog tej kev xav.” Tswv Qhia Alarcon hais cov lus no nyob hauv lub thaj txi Ntuj hnub tim 12 lub 9 hlis, hauv kev sau siab cov tub tshaj Ntuj Lus Online nyob As Xias thawj zaug, hauv lub nroog Quezon City.

Tus Txiv Plig uas tuav cov hauj lwm xa xov neeg Fis Lis Pees hais tias : “Cov tub tshaj Ntuj Lus Kav Tos Liv Online phim yuav siv platform Online kom tau qhia txog qhov tseeb hauv lub neej, hauv tej kab lis kev cai thiab tej kev paub hauv zej zog.”

Cov tub xov xwm hauv thaj av ntshiab hais tias : “Cov tub tshaj Ntuj Lus Online phim yuav pib nyob ze neeg thiab hauv lawv tej kev paub. Yuav xub mloog ua ntej mam txiav txim siab tias ; yuav tshaj yam twg los yuav saib lawv txoj kev tshaj Ntuj Lus zoo li cas.”

Tswv Qhia Chung Soon-taick nyob Xes Us thov kom cov nom tswv Kos Lim Naj txhob saib kev sib tawg hauv kev tseev tsim, thiab nrog txhawb nqa cov tub ntxhais hluas hnub xyoo 2027 (World Youth Day). Kom yog lub koob tsheej sib koom zog los pab txhawb nqa kev sib tuav xam, kev thaj yeeb thiab kev sib koom tes hauv zej zog.

Lub ntiaj teb qub tshee hnyo.

Muaj kev foom hmoov zoo rau FABC lub tsev ua hauj lwm tshiab, hauv hnub tim 12 lub 9 hlis. Nyob hauv Radio Veritas Asia, hauv lub nroog Quezon City teb chaws Fis Lis Pees. Yog qhov chaw ua hauj lwm tshiab hauv kev sib xa xov nyob thoob xeev ntuj As Xias.

Tus kws txuj Govekar uas yog tus thawj tswj cov txuj kev ntseeg thiab kev tshaj lub Moo Zoo ntawm Vas Tis Kas hais tias : “Lub hwj chim hauv Online yuav tsum nkag siab tias yog lub luag hauj lwm, tsis yog kev ntsuas txog lub koob npe.”

Kev ncaj ncees tsis yog kev ua phauj

Kev zam txim txhaum yog hais txog kev nyiam kev hlub uas tuaj yeem yeej kev sib ntxub, kev chim siab thiab tib neeg kev sib tawg tau. Vaj Qhia Leo 14 hais nyob hauv tsab ntawv Angelus hnub tim 13 lub 9 hlis, hauv lub tuam tsev teev Ntuj hwm Leej Ntshiab Pob Zeb. “Kev zam txim txhaum yog qhov tsim nyog ua thiab yog peb tsis muaj kev zam txim txhaum, peb kuj yuav nyob kaj siab lug tsis tau.”

Xov xwm, hnub tim 19 lub 9 hlis 2026

Paul Liu Honggang yog tus Tswv Qhia tim 17 uas tau txais kev teeb tsa los yog lees txais los ntawm Vas Tis Kas, txij thaum Suav thiab Vas Tis Kas sib cog lus hauv xyoo 2018 los. Tus Tswv Qhia Suav tau txais kev teeb tsa kom ua tus kav lub Cheeb Koom Txoos Datong nyob hauv lub xeev Shanxi qaum teb. Yog kev teeb tsa Tswv Qhia zaum tom qab kawg hauv Vas Tis Kas thiab Pej Ceeb cov lus cog hais txog kev tsa Tswv Qhia.

Cambodia tab tom txhawb nqa cov poj niam ntau plhom leej mus rau fab kev lag luam raws txoj cai.

Txiv Plig John Mi Shen tus thawj tswj cov hauj lwm nyob Radio Veritas hais tias : “Radio Veritas Asia npaj coj 40 tus neeg uas muaj feem cuam txog digital mus koom cov tub ntxhais hluas hnub xyoo 2027, nyob Xes Us hauv teb chaws Kos Lim Naj. Saib zoo li lawv yog 40 nkawm qhov muag uas yuav theej cov tub ntxhais hluas thiab txhua pab neeg tej kev paub, kom tau faib rau cov Kav Tos Liv nyob thoob As Xias teb.”

Cov tub tshaj Ntuj Lus Online nyob thoob As Xias tau xav txog qhov txaus ntshai ntawm kev hnov qab nyias txoj hauj lwm, hauv kev cheem tsum uas pauv ntxeev kev txhawb tus kheej mus txog kev ua luag tub txib. Thiab qhov tseem ceeb hauv kev txuag kev ua neeg ua qhov chaw nruab nrab ntawm lub tswv yim tsim tawm.

Cov zej zog digital uas sib txuas lus ntau nyob Kos Lim Naj teb, thov kom pub lub sij hawm thiab kev cov nyom tshiab tshiab rau kev tshaj lub Moo Zoo. Nrog rau kev cheem tsum hauv kev tsim Technology siab rau kev nrog tib neeg sib txuas lus. Raws li cov tub xov xwm laus thiab cov kws txuj fab kev sib xa xov hais.

Ntau xyoo tom qab kev vis tua lub nroog Marawi, mas kev sib koom tes ntawm cov Mawv Xis Lis thiab cov neeg ntseeg tseem yog kev cia siab nyob Mindanao’s. tab txawm kev txiav txim tsis tau raug daws kho thiab kev tsis ruaj ntseg tseem muaj nyob kuj xij.

Zam ntawv Moo Zoo yog phau ntawv Moo Zoo kawg

Lub Koom Haum Yes Xus Is nyob Karachi tau ua cov hauj lwm pab cuam sai sai, tom qab dej nyab Nes Pas teb loj kawg. Ua rau neeg tuag tshaj 1,000 leej thiab ntau txhiab leej raug dej tshoob ploj lawm.

Caritas Pakistan Karachi tau qhib 5 lub tsev kawm ntawv tsis raws cai, kom tau pab kev kawm thiab pub lub caij rau cov me nyuam tsis tau kawm ntawv thiab cov pluag txom nyem nyob Karachi. Cov tsev kawm ntawv no pib qhia ntawv hnub tim 3 lub 9 hlis no, nyob hauv lub tsev teev Ntuj hwm Leej Ntshiab Mis Kas Ees.